അവന് സമ്മാനിച്ച
ചുവന്ന പനിനീര് പൂവുകളുടെ
സുഗന്ധരഹിതമായ ബൊക്കെ
നെഞ്ചോടു ചേര്ത്ത് താലോലിച്ച്
അവളങ്ങനെ നിന്നു
എവിടെയെന്റെ സമ്മാനമെന്ന
അവന്റെ ചോദ്യം കാണാതെ-
ഒന്നിനും മറുപടി പറയാത്ത
എല്ലാമറിയുന്ന ആകാശത്തേക്ക് നോക്കി
പറയാന് വയ്യാത്തൊരു
ഫ്ലാഷ്ബാക്ക് ചുരുളഴിയുന്നതു
അവള് മാത്രമറിഞ്ഞു
തലേ രാത്രി
തൂവെള്ളവസ്ത്രങ്ങളിഞ്ഞ്
വെള്ള കുതിരമേല് രാജകുമാരനെത്തുമെന്ന
വിഡ്ഡിത്തം മറന്നു
വെള്ള ബ്ലാങ്കറ്റു മൂടിയ ഉറക്കം
പ്രഭാതം മുതല് ഒലിയാന്ഡര് - ജൂബിലി - ഫ്ലോറിഡ -
ഫ്ലവര് ഷോപ്പുകള് കയറിയിറങ്ങിയത്
10 രൂപക്ക് 3 പൂവുകള്
വില പേശി
ആര്ക്കൊക്കെ വേണ്ടിയെന്ന് ടോസ്സ് ഇട്ടത്
കാറിന്റെ ഡിക്കിയില്
ഡാഷ് ബോര്ഡില്
സീറ്റിനടിയിലുമായി സൂക്ഷിച്ച്
പിന്നീട് പരസ്പരമറിയാതെ പങ്കു വെച്ച്
ആശംസകള് നേര്ന്നത്
വര്ത്തമാനത്തിലേക്ക് മടങ്ങിയെത്തി
മുന്നില് വന്നുപെട്ടിരിക്കുന്ന
ഈ നാലാമന് ടോസ്സില് വിഴാതെ പോയ
നിരാശയുടെ ചുണ്ടിലേക്ക് മനോഹരമായ ചിരി തിരുകി വെച്ച് -
പ്രണയകനലെരിയുന്ന അവന്റെ കണ്ണിലേക്കു നോക്കി
ഇടതു നെഞ്ചു തൊട്ട്
നിനക്കുള്ളതിവിടെയെന്ന്
ഒറ്റവാക്കു കൊണ്ട് തോല്പിച്ചു കളഞ്ഞവള്
ബോധമില്ലായ്മയുടെ കടലിളക്ക-
മൊടുങ്ങിയപ്പോള് അവനറിഞ്ഞു
അവളുടെ പൂക്കളൊഴിഞ്ഞ ഹൊന്ഡ സി.ആര്.വി.
1.കി.മി. എങ്കിലും പിന്നിട്ടിരുന്നുവെന്ന്
No comments:
Post a Comment